前兩年買落嗰二百幾隻碟,到而家仲係隔好耐先開一兩隻聽吓,唔係嚟緊禮拜六會去睇非常階段拿拿臨摷返隻碟出嚟做定功課,分分鐘暑假先至會再理棟碟。 雖然唔聽定先入場都唔會差好多,你見十隊noise九隊差唔多年年出最少一隻碟,就明好多時啲「歌」最少大半首係即興出嚟,CD版同每次live嘅版本可能只得個intro同最尾似中間完全唔一樣,所以乜都唔聽照入場係完全冇問題嘅。 而且呢啲嘢係要睇live至過癮,冇得再睇牛乳花火時,就要睇返次後面隊band亂嚟時前面條女亂嗌玩法嘅殿堂級人馬,話晒已經四十周年歌妹六十歲咁滯仲肯噉同你癲法,點知跟住仲玩到幾多年所以有得睇好睇。 又會咁好彩Tzusing隻《東方不敗》同非常階段擺埋一齊,即係叫我順便煲埋佢啦,呢隻我覺得會非常啱我。呢兩年買落啲碟聽親都係pop嘢idol嘢實驗嘢電子嘢,metal嗰百幾隻未開過咁滯。 #heavymatto #noise #noisemusic #noiserock #noiseart #experimentalmusic #experimentalrock #experimentalart #avantgardemusic #avantgarderock #avantgardeart #performingart #非常階段 #hijokaidan #destroynoisesymphony
32 0
開始搵Download嗰排有咩show睇,見到禮拜六晚新宿歌舞伎町嗰邊Loft有場午夜場。耐唔耐有呢種深夜band show,今次先有緣喺日本時撞到有人搞,十一點半開始炸death/grind炸通宵lineup仲要唔錯,最抵死無端端揳隊爆裂女子入去搞到更想睇。話晒未試過有興趣癲返次,今次又住新宿附近衰極應該都行到返酒店,不過睇完Download隔日仲要禮拜六即係之前最少會睇一早一晚兩場show,再噉踩法死得人。 仲要最癲都未係呢壇,非常階段之前一晚出完秋葉原,四谷Outbreak即搵T.美川過去朝早六點開show,冇錯係朝早六點已經唔止早場咁簡單,仲要晨操時段開noise gig夠晒黐線,不過Outbreak啲show本身黐線開時呢個配搭又好似天作之合。我仲要之前一晚就係去睇非常階段添,如果真係去埋呢場: 禮拜六朝早睇返場idol show先 晏晝行完秋葉原,夜晚睇非常階段40周年紀念表演 再去新宿Loft十一點半睇到第二朝 五點鐘搭頭班火車出四谷Outbreak參加非常階段場清晨after party 睇完就可以搭車去涉谷睇禮拜日早場idol show喇 跟住已經夠鐘出鶯谷,・・・・・・・・・場畢業演出應該四點開始物販,排隊買嘢影相加睇show四點踩到十點幾 最後禮拜一朝早九點半上機返香港 酒店房都唔使返,早知最後兩晚酒店都唔卜,禮拜六朝早擺定行李入火車站locker,禮拜日同完點點點影相追尾班火車入機場就得。 覺?唔使瞓啦,邊有時間,返到香港至瞓啦,然後一落機又可以立即請病假喇。 #heavymatto #metal #heavymetal #deathmetal #grindcore #punk #hardcore #noisemusic #experimentalmusic #DISGUNDER #INFERNOHADES #KANDARIVAS #ヒミツの錯乱棒 #WRENCH #FLOATERS #爆裂女子 #burstgirl #T美川 #isshee #原田仁 #アカバネ #トモノカツミ #新宿LOFT #shinjukuloft #outbreak #yotsuyaoutbreak #四谷outbreak #Sir遊記 #劉行東京 #TokyoTour2019Part2
11 0
仲有五日就係冷爺有囍大日子,我目標係呢幾日集齊八舊水散紙做人情,,用環保袋裝住成包拎去,到時請兩位新人即場拆人情點點數 #heavymatto #rock #rockmusic #rocknroll #rockabilly #hkrock #hongkongrock #hkrockabilly #hongkongrockabilly #hkband #hongkongband #香港band #theboogieplayboys #人情做八舊
17 0
[聽花Live Report:March Inn Music Festival [email protected]中環PMQ元創方, 3/3/2019] 第一次參與三月旅館音樂節,其實未入場見到時間表已經覺出事,大台有幾隊可以連住出好似中間唔使轉場噉,去到見一個蒲吧size場開頭尾台但兩邊soundcheck甚至表演時間可以重疊,大台正式第一隊上台已經話overrun,之後兩個台梗係冇可能一齊表演,咪又係一個完咗另一個至玩得,最後遲成個鐘夠鐘走壓軸嘅Kolor先上到台。我相信今年唔係第一屆,點解會冇諗過會搞成噉呢。 當Kolor係我最鍾意睇live嘅香港band之一呢晚算為佢哋而嚟,前面不停超時搞到冇得睇好灰吓,當見識其他都叫收穫豐富,兩舊水全日睇到十幾隊係抵,平時只睇春ねむり同DJ510Mariko兩個日本妹已經唔止二百蚊啦。 DJ510Mariko炸住hardcore techno/digital hardcore再半場時間台下唱插埋水,春ねむり唱melodic底hip-hop間中嗌幾吓,冇預過呢種場合睇得到呢種表演。DJ510Mariko音樂啱我但呢種表演細場睇至有癮,春ねむり較多元化仲同話梅鹿夾,可惜合作嗰首幾平淡吓,同初時諗住噉組合有機會睇到band版《ロックンロールは死なない》,點知連原版都冇玩。 音樂同表演唔同其他單位,創作台風再帶出港日水平差別,呢關香港音樂人唔會過到,因為你冇日本(女)人咁唔錫身唔錫聲,或者敢唔跟大路正路去玩,正如春ねむり著到成個民初女仔噉玩hip-hop又可以間中black metal噉嗌幾吓,三樣夾埋對比好大加估佢唔到所以live好玩好睇,但喺香港想一次過齊三樣或者有兩樣... 成日飛日本好多時係為睇呢種live,呢晚係第一次喺香港睇得到呢個級數嘅囡囡表演,只係第時想再睇都係飛日本搵算。春ねむり同DJ510Mariko嘅live可以當indie idol噉睇,音樂或表演似嘅alternative idol唔係未睇過,當然佢兩個水平好高可以上大台擔正,但要搵風格同級數接近嘅另類偶像唔係冇可能。 今場有得睇相信音樂未必最重要,更大原因係兩個tour緊又叫有名氣,現實係唔係個個勁嘅indie/alternative idol都上到/上過大台(真係咁易或者咁多機會就一早唔使做indie idol啦),未上過即係未夠出名,未夠出名就即係唔會好似呢晚兩位日本代表有人吼。再者你係DJ或DJ身份嘅idol呢類演出嘅主辦單位同觀眾會留意,調轉係idol身份嘅DJ就算水準音樂一樣十居其九都唔會有人理,因為「idol唔入流」。 所以今個機會罕有,亦帶出身在香港alternative idol迷嘅無奈:兩舊水係平時去MOM睇idol show價位,不過香港做idol show嗰班唔會請呢種歌同演咁alternative嘅idol,佢哋自己都未必聽同睇得咁另類,更要顧及買飛睇嗰班口味只會更大路。所以香港只有indie idol show而冇alternative idol show,就算已經身在大陸台灣都唔敢請,請都未必做得到兩舊水張飛。 即使性質似春ねむり同DJ510Mariko普遍定位唔會係idol,會有音樂節請嚟香港全因為算有名氣外地藝人/artist又巡迴緊,結果喺香港睇過最接近alternative idol live嘅live,係喺一場最冇可能睇得到idol live嘅音樂節入面睇到,亦相信呢種活動較易搵到贊助,先可以用二百蚊呢個本地idol show搞手都做唔到嘅價錢,俾你睇到佢哋加多另外十幾隊。 p.s. Loud Park有按摩服務唔奇話晒撞同fing幾隊已經係好大嘅體力勞動,但呢場去到最後幾隊先激少少,大半日只係行行仁企都有攤位幫人按摩,都幾有港島區色彩,但呢個安排就令負責按摩位哥哥成為全場fest最幸福嗰位朋友。第一次見到春ねむり真人佢就喺攤位搵個哥哥同佢按摩,對我嚟講佢嘅賣相同性質已經稱得上獨立偶像,平時啲idol想掂吓佢唔該買碟或者睇show之後科水買握手券,仲要摸吓手仔就冇,但今次調返轉係春ねむり科水搵個哥哥仔同佢按摩仲一摸就摸佢三個字,嘩簡直羨慕死人喇口桀口桀 #聽花LiveReport #HearFlowerLiveReport #heavymatto #marchinn #marchinnmusicfestival #marchinnmusicfestival2019 #三月旅館 #三月旅館音樂節 #三月旅館音樂節2019 #青原 #ferdinandchoi #theredstripes #reorientate #DJ510Mariko #後藤まりこ #話梅鹿 #prunedeer #春ねむり #春眠 #harunemuri #PMQ #元創方 #PMQ元創方 #PMQQUBE #QUBEatPMQ #Sir遊記 #劉行香港 #劉行長沙灣
19 0
[聽花Live Report:March Inn Music Festival [email protected]中環PMQ元創方, 3/3/2019] 其實係咪嚟睇呢場fest之前諗咗一排,除咗三月係全年最忙月份之一個人做到冇乜精神好難捱十個鐘,同類活動一由港島人港島場搞硬係多份文青味上流味,呢兩樣都係我最唔啱最唔聚財,全港島適合我去嘅livehouse可能得最市井嘅MOM一間(如果唔當蒲吧屬於livehouse)。 不過維港兩邊文化分別咁大,相對就係有啲band過個海先多機會睇到,例如全日興趣最大嘅Re-Orientate。官方介紹係人數冇限定、國籍同文化背景層面好廣泛嘅modern world music project,今場主題係flamenco但係又有二胡加VR,的確唔係平時好多機會睇到嘅表演,尤其喺九龍嘅show。 可惜最後幾失望,睇過好多呢類project,感想都係學院派中人嘅實驗始終唔多夠實驗性。音樂ethnic fusion底但大多數幾普通吓,同類嘅好多中港台音樂人都做過而且更具前瞻性,佢哋作曲編曲相對簡單得多,好似重心放咗喺用與別不同嘅方法表演。 但演嘅型式同音樂一樣唔太夠內涵。第一次見識用VR玩虛擬樂器,不過效果同睇DJ打碟一樣,見到好似做咗好多嘢,聽就唔多聽得出做嘅嘢對音樂影響有幾大。而且玩咁多科技嘢最易出一件事,就係基本上全部嘢可以靠錄音搞掂時,有意又好無意又好,最後總會將本身只係伴奏嘅backing track錄得太完整,好似有啲歌本身已經錄晒木結他連二胡都錄埋,仲要播帶部份唔係彈簡單嘢,現場兩個基本上已經冇咩可以做只負責加吓裝飾音。但係嚟得現場都係希望可以睇你表演最富技術性挑戰性嘅部份,而唔係你幫條track入面段solo做伴奏,live嘅成份咁輕微咁薄弱時睇得相當冇癮。 如果完全unplug正正路路玩folk/ethnic可能會好睇啲,其實跟住個禮拜Gig Week World Music Night已經有,但成個禮拜又撞show又要返夜冇得睇。不過唔係特登過海,我睇開嘅show同地區應該好少機會再睇得到Re-Orientate。 #聽花LiveReport #HearFlowerLiveReport #heavymatto #flamenco #worldmusic #folkmusic #ethnicmuaic #ethnicfusion #fusionmisic #performingarts #experimentalmusic #reorientate #marchinn #marchinnmusicfestival #marchinnmusicfestival2019 #三月旅館 #三月旅館音樂節 #三月旅館音樂節2019 #PMQ #元創方 #PMQ元創方 #PMQQUBE #QUBEatPMQ #Sir遊記 #劉行香港 #劉行長沙灣
26 0
所有開場playlist有Rage Against the Machine份嘅show同band我都會加分。印象中有三場,今晚Instinct of Sight X 鐵樹蘭,Crossfaith(直頭自己玩埋live當soundcheck添),同NECRONOMIDOL。而且播完RATM至開始嘅band同live真係特別好睇。 今晚仲要連《Freedom》都有,supporting band未出場已經聽歌聽到個人high晒,呢啲先至係真正嘅opening呀。 #heavymatto #rock #rockmusic #hkrock #hongkongrock #metal #hkmetal #hongkongmetal #hkband #hongkongband #香港band #heavymetal #hkheavymetal #hongkongheavymetal #metalcore #trancecore #melodicdeathmetal #alternativemetal #instinctofsight #blendedabstract #zukstudio #Sir遊記 #劉行香港 #劉行九龍灣
45 1
一隊香港indie metal band喺九展開release show,可以賣晒飛加臨開show仲有大把人問仲有冇得買飛有冇人放飛,我仍然覺得呢個場面唔多真實 #heavymatto #rock #rockmusic #hkrock #hongkongrock #metal #hkmetal #hongkongmetal #hkband #hongkongband #香港band #heavymetal #hkheavymetal #hongkongheavymetal #metalcore #trancecore #melodicdeathmetal #alternativemetal #instinctofsight #blendedabstract #zukstudio #Sir遊記 #劉行香港 #劉行九龍灣
35 3
今個月好多晚要留喺屋企幫個客做盤點,少咗好多機會睇show,屈喺屋企嘅時間就寫返多啲show,先寫琴晚一場睇唔到嘅idol show。 有時睇idol show睇嘅唔止idol,睇人哋點樣營運一場show都係樂趣之一。其實idol show都有好多種搞法,大嘅有festival有組合自己卜(大)場搞嘅one man live,細嘅有最常見嘅livehouse雜錦同限定小量人數入場嘅特別活動,仲有一種幾隊組合合辦嘅中型演出,呢類先多驚喜。 上年年頭睇過一場四隊組合一齊開嘅re"four"cus,當晚係第二次搞。呢種中等規模演出好處係唔似平時一晚十幾隊、大家趕住玩快啲完場齊齊賣嘢揾銀嘅普通雜錦show,得四隊除咗每隊表演時間長啲,自己主辦就可以做好多一般雜錦show身份係作客時冇乜可能做嘅嘢,好似・・・・・・・・・由一個成員彈木結他唱兩首開場,中間有首歌可以擺幾個波喺度代替點點點成員播帶播足成首,唔係叫做自己嘅live都幾難噉玩法。 平時唔會太啱睇Payrin's同tipToe.呢類音樂同造型都係幼齒學生妹feel校園風pop rock組合,估唔到兩隊第一次睇就撞到band set,因為唔係自己出嘅one man多數得呢類中型show至有機會請樂隊伴奏,仲要唔係tour的話唔會經常有,之後直到今日我都未再睇過另一場有live band嘅idol show。就算HAMIDASYSTEM音樂係完全冇得跳冇得玩嘅低調電子本身好難有大變化,表演同平時冇乜分別,都會自己帶兩台激光射燈嚟當正自己出大場噉做燈光法。 就算歌都係嗰啲,但容許比平時大好嘅創作自由時,音樂內容一樣都會有同平時唔一樣嘅體會,而且俾機會你睇到一個組合另一面,好似當晚個台較細,tipToe.六個人表演時迫到跳舞都冇位只有企定定唱,係有點悶不過睇隊band live聽得出作曲編曲有啲料到,跟住試埋dance set發現音樂底其實唔錯就開始留意。其實我係睇多啲呢類貴精不貴多、表演方面玩多啲概念嘅中型live,只係冇緣就係冇緣,同band set一樣一直以嚟都冇乜撞得到。 可惜月底至飛就冇機會再睇re"four"cus呢個主題show,因為琴晚嗰場已經係final。頭兩場中間隔半年,之後過多成年先開第三場,搞得咁疏可能要就晒四隊時間大家一齊得閒唔容易,而一年時間喺indie idol界係非常之短暫同珍貴嘅光陰,當HAMIDASYSTEM同・・・・・・・・・都年頭宣佈三月底解散,琴晚之後four得返two唔夠腳繼續搞落去。 所以月底一次過睇晒HAMIDASYSTEM同・・・・・・・・・兩場告別演出之後,tipToe.仲睇得到幾多場就盡睇喇,始終賣學生妹賣幼齒本身已經好難做到好多年,Payrin's我麻麻有同冇都冇乜所謂,但tipToe.可能之前同・・・・・・・・・co-tour完加大家有相同創作人,同應該都知學生妹路線做唔長,近期歌路開始偏向・・・・・・・・・種alternative同氛圍玩法,之後啲歌應該幾多嘢聽吓。 我係希望・・・・・・・・・冇咗之後佢哋可以成為後繼(雖然歌路仲梘差好遠),但呢個題目會係另一篇文喇。 #heavymatto #jpop #idol #idolgroup #girlsgroup #japaneseidol #alternativeidol #triphop #trance #techno #electronica #melodicelectronica #shoegaze #dreampop #noisemusic #noisepop #artpop #dotstokyo #hamidasystem #tiptoe #payrins #refourcus #refourcusfinal #shibuyarefourcus #shibuyarefourcusfinal
35 5